நாலாயிரத் திவ்வியப் பிரபந்தம் Naalayira Divya Prabandham திருப்பல்லாண்டு Prabandham California Thirumurai Group, USA

சிவய.திருக்கூட்டம்
sivaya.org

மாற்றம் உள ஆகிலும் சொல்லுவன் மக்கள் தோற்றக் குழி தோற்றுவிப்பாய்கொல் என்று இன்னம்- ஆற்றங்கரை வாழ் மரம்போல்-அஞ்சுகின்றேன் நாற்றம் சுவை ஊறு ஒலி ஆகிய நம்பீ	[2022.0]
சீற்றம் உள ஆகிலும் செப்புவன் மக்கள் தோற்றக் குழி தோற்றுவிப்பாய்கொல் என்று அஞ்சி- காற்றத்திடைப்பட்ட கலவர் மனம்போல்- ஆற்றத் துளங்கா நிற்பன் ஆழி வலவா	[2023.0]
தூங்கு ஆர் பிறவிக்கண் இன்னம் புகப் பெய்து வாங்காய் என்று சிந்தித்து நான் அதற்கு அஞ்சி- பாம்போடு ஒரு கூரையிலே பயின்றால்போல்- தாங்காது உள்ளம் தள்ளும் என் தமரைக்கண்ணா	[2024.0]
Go to Top
உரு ஆர் பிறவிக்கண் இன்னம் புகப் பெய்து திரிவாய் என்று சிந்தித்தி என்று அதற்கு அஞ்சி- இரு பாடு எரி கொள்ளியினுள்-எறும்பேபோல்- உருகாநிற்கும் என் உள்ளம் ஊழி முதல்வா	[2025.0]
கொள்ளக் குறையாத இடும்பைக் குழியில் தள்ளிப் புகப் பெய்திகொல் என்று அதற்கு அஞ்சி- வெள்ளத்திடைப்பட்ட நரி இனம்போலே- உள்ளம் துளங்காநிற்பன் ஊழி முதல்வா	[2026.0]
படை நின்ற பைந்தாமரையோடு அணி நீலம் மடை நின்று அலரும் வயல் ஆலி மணாளா இடையன் எறிந்த மரமே ஒத்து இராமே- அடைய அருளாய் எனக்கு உன்-தன் அருளே	[2027.0]
வேம்பின் புழு வேம்பு அன்றி உண்ணாது-அடியேன் நான் பின்னும் உன் சேவடி அன்றி நயவேன் தேம்பல் இளந் திங்கள் சிறைவிடுத்து ஐவாய்ப் பாம்பின் அணைப் பள்ளிகொண்டாய் பரஞ்சோதீ	[2028.0]
Go to Top
அணி ஆர் பொழில் சூழ் அரங்க நகர் அப்பா!- துணியேன் இனி நின் அருள் அல்லது எனக்கு மணியே மணி மாணிக்கமே மதுசூதா!- பணியாய் எனக்கு உய்யும் வகை-பரஞ்சோதீ	[2029.0]
நந்தா நரகத்து அழுந்தாவகை நாளும்- எந்தாய் தொண்டர் ஆனவர்க்கு இன் அருள் செய்வாய் சந்தோகா தலைவனே தாமரைக் கண்ணா!- அந்தோ அடியேற்கு அருளாய் உன் அருளே	[2030.0]
குன்றம் எடுத்து ஆ-நிரை காத்தவன்-தன்னை மன்றில் புகழ் மங்கை மன் கலிகன்றி சொல் ஒன்று நின்ற ஒன்பதும் வல்லவர்-தம்மேல் என்றும் வினை ஆயின சாரகில்லாவே	[2031.0]


	send corrections and suggestions to admin @ sivaya.org divya prabandham chapter

divya prabandham chapter