This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

10.734   திருமூலர்   திருமந்திரம் -

உணர்வொன் றிலாமூடன் உண்மைஓ ராதோன் கணுவின்றி வேதா கமநெறி காணான் பணிவொன் றிலாதோன் பரநிந்தை செய்வோன் அணுவின் குணத்தோன் அசற்குரு வாமே.	[ 1 ]
மந்திரம் தந்திரம் மாயோகம் ஞானமும் பந்தமும் வீடும் தரிசித்துப் பார்ப்பவர்ச் சிந்தனை செய்யாத் தெளிவியாது ஊண் பொருட்டு அந்தகர் ஆவார் அசற்குரு வாமே.	[ 2 ]
ஆமா றறியாதோன் மூடன் அதிமூடன் காமாதி நீங்காக் கலதி கலதிகட்கு ஆமாறச் சத்தறி விப்போன் அறிவிலோன் கோமான் அலன்அசத் தாகுங் குரவனே.	[ 3 ]
கற்பாய கற்பங்கள் நீக்காமல் கற்பித்தால் தற்பாவம் குன்றும் தனக்கே பகையாகும் நற்பால் அரசுக்கும் நாட்டிற்கும் கேடாகும் முற்பாலே நந்தி மொழிந்துவைத் தானே.	[ 4 ]
குருடர்க்குக் கோல்காட்டிச் செல்லுங் குருடர் மருளுற்றுப் பாழ்ங்குழி வீழ்வர்முன் பின்அக் குருடரும் வீழ்வர்கள் முன்பின் அறவே குருடரும் வீழ்வார் குருடரோ டாகிலே. 35,	[ 5 ]
Go to top

Thevaaram Link  - Shaivam Link
Other song(s) from this location:
This page was last modified on Fri, 10 May 2024 10:07:45 -0400
          send corrections and suggestions to admin-at-sivaya.org

thirumurai song